घैंटेको पैसामा मस्ती गर्ने नेताहरुको कारण घैंटे मारिएका हुन् ।’

करिब दुई महिनाअघि लाजिम्पाटको एक रेस्टुरेन्टमा महानगरीय अपराध महाशाखाका दुई डिएसपी प्रहरीले काठमाडौंमा डनको इन्काउन्टरबारे तयारी सुरु गरिसकेको थियो । तर, दुई डिएसपीको सल्लाहअनुसार २ जना नभई घैंटेको गत बिहीबार इन्काउन्टरमा मृत्यु

भयो ।  घैंटेको इन्काउन्टरबारे पहिले नै हल्ला भइसकेको थियो । त्यो कुरा घैंटेले पनि थाहा पाइसकेका थिए । इन्काउन्टर गर्नुपर्ने कारण त हुनुपर्यो नि भन्दै उनले एक महिनाअघि एक अनलाइनलाई अन्तर्वातासमेत दिएका थिए । स्रोतका अनुसार उनी अमेरिका जाने तयारीमा लागेका थिए । तर, नेताहरुले नै केही गर्न नसक्ने भन्दै ढुक्क भएर हिँड्नु भन्दै संरक्षण दिएका थिए । एसएसपी सर्बेन्द्र खनालले आफूले जे भन्यो त्यही मान्ने भन्दै नेताहरुले उनलाई सघाउँदै आएका थिए । तिनै नेताको भर पर्दा घैंटे गत बिहीबार मारिएका हुन् । घैंटेका एक सहयोगी भन्छन्,‘यदि नेताहरुले उनलाई भरोसा नदिएको भए उनी विदेश गइसक्थे । यस्तो घटना नै हुने थिएन । घैंटेको पैसामा मस्ती गर्ने नेताहरुको कारण उनी मारिएका हुन् ।’